Wólbne zarjadowanje direktnych kandidatow z regiona za wólby Němskeho zwjazkoweho sejma njeje ludźom w publikumje při rozsudźe za wólbny rozsud pomoc dać móhła.

Čorny Chołmc (JK/SN). Direktni kandidaća a zastupjerjo wjacorych stron wěnowachu so na wčerawšim wólbnym forumje w Čornochołmčanskim Krabatowym młynje naležnosćam serbskeje Łužicy, kubłanskim problemam, wužadanjam strukturneje změny a dalšemu wobstaću serbskeho ludu. Na zarjadowanje přeprosyli běchu Hajko Kozel (Lěwica), Benedikt Dyrlich (SPD) a Robert Krawc (Zeleni). Na jewišću žurle běchu zastupjerjo sakskeje SPD, FDP, Lěwicy, Zelenych a Swobodnych wolerjow městno zabrali. Cosima Stracke-Nawka z Budyšina je zarjadowanje přeswědčiwje a jara derje přihotowana moderěrowała.