Berlin (dpa/SN). Zwjazki dobroćelskeho hladanja namołwjeja SPD, Zelenych a FDP do rozsudneho boja přećiwo njedostatkej fachowcow w hladanskich institucijach. „Nuzowy staw w tymle wobłuku dawno mamy – koronawirus je jón hišće raz masiwnje přiwótřił“, rjekny prezi­dent zwjazkoweje dźěłoweje skupiny swobodneho dobroćelskeho hladanja, prezident diakonije Ulrich Lilie, předwčerawšim w Berlinje. „Dotalne reformowe naprawy njejsu polěpšenja wunjesli, kajkež bychmy sej přeli.“ Stajnje hišće pobrachuja statysacy hladanskich mocow. Prezidentka Němskeho čerwjeneho křiža Gerda Hasselfeldt žadaše sej wobšěrnu strate­giju za socialny a strowotniski wobłuk. Ulrich Lilie namołwješe, zo njesměli polěp­šeja w hladanju kóšty, kotrež dyrbja potrěbni płaćić, dale do wysokosće ćěrić. Dobroćelske zwjazki witaja, zo chcy­ła planowana am­plo­wa koalicija swójske podźěle wobmjezować a mzdy přistajenych kaž tež personalny kluč w hladarnjach zwyšić. Koaliciske zrěčenje mje­nuja zwjazki „naročnu kročel po puću k sprawnišej towaršnosći“.