„Wobkuzłace hłosy“

Budyšin. Bara Sundowner pod Röhrscheidtowej baštu w Budyšinje je z hosćićelom koncerta skupiny Trojozynk. „Drje najbóle wobkuzłace hłosy sprjewineho města“, kaž na internetnej stronje zarjadowarja rěka, chcedźa jutře, sobotu, publikumej serbske a mjezynarodne spěwy mjez soulom a popom a capella prezentować. Baru wotewru we 18 hodź., koncert započnje so w 19.30 hodź. Zastup je darmotny.

Zahaja „lětnje hódančko“

Kamjenc. Muzej zapadneje Łužicy w Kamjencu poskići wot soboty, 16. julija, do kónca awgusta wšědnje w regularnych wotewrjenskich časach „Mirakulum w muzeju“. Dźěći wot sydom lět a swójby móža sej wustajenišćo na zabawne wašnje wotkryć, wuhódawši lětuše „lětnje hódančko“ kołowokoło „muzejoweho kocora“ Eddyja. Najlěpšim młodym wobdźělnikam kiwaja myta. Přidatny popłatk nimo zastupa sej nježadaja.

Wuměłstwowe rjemjeslnistwo