Filmy w biosferowym rezerwaće

Stróža. Biosferowy rezerwat Hornjołužiska hola a haty a Budyske towarstwo Kamjentny dom přeprošatej we wobłuku rjadu „Lěćne kino w biosferowym rezerwaće“ dźensa, pjatk, na předstajenje dokumentacije „Die Wiese – Ein Paradies nebenan“ do stareje wowčernje na dworje Domu tysac hatow w Stróži. Hišće hač do 26. awgusta slědujetej stajnje pjatk w 20 hodź. paskaj „Willi und die Wunderkröte“ a „Das Pubertier“. Zastup při wječornej kasy płaći sydom eurow resp. potuńšeny štyri eura.

18. Budyske lětanske dny

Lětoń. Kónc tydźenja wuhotuje Lipšćanska agentura IDECON-team Eventmanagement 18. Budyske lětanske dny, po swójskim podaću „najwjetšu show toho razu w Sakskej“. Na arealu Budyskeho lětanišća budu historiske mašiny wustajane, nimo toho čakaja wulke čaporowe wiki a pisany program za dźěći na wopytowarjow. Zajimcy móža sej z kołolětami dźěl Łužicy wot horjeka wobhladać. Lětanišćo je zdarma přistupne, lěty su k rozdźělnym płaćiznam móžne.

Bursa mineralijow