Z bajemi po groblach Błótow

Bórkowy. „Čołmikować ze serbskimi bajemi a powěsćemi“ móža zajimcy zaso jutře, sobotu, w Bórkowach. Něhdźe dwuhodźinska tura startuje w 17 hodź. z tamnišeho Sprjewineho přistawa. Na pasažěrow čaka nimo zajimawostkow na přikład kołowokoło lutkow, wódneho muža a připołdnicy tež kulinariski přikusk, mjez druhim „měšany kórkowy taler“ a twaroh z lanym wolijom. Wobdźělenje płaći 33,50 eurow na wosobu. Pod njech zajimcy jězbu knihuja. Přichodnej přiležnosći slědujetej 3. a 17. septembra.

Chowanje słónca a serbske spěwy

Budyšin. Bara „Sundowner“ pod Röhrscheidtowej baštu w Budyšinje přeproša jutře, sobotu, na „Serbski wječor“ ze skupinu Brankatschki. Mjez wosebitymi hosćemi serbske, němske a jendźelske ludowe a popowe spěwy w swojoraznych wobdźěłanjach prezentowaceho seksteta budźetaj mjez druhim spěwar István Kobjela a skupina Astronawt. Darmotne zastupne lisćiki su nimale rozebrane, z trochu zbožom pak měł so za někotrehožkuli krótkodobnje zajimowaneho tón abo tamny swobodny blečk nańć. Bara wotewri we 18 hodź., koncert ma so w 19 hodź. započeć.