Lětuši Dźeń wotewrjeneho pomnika je wospjet tysacy hosći přiwabił

Budyšin (CS/SN/MiR). Hižo dołho do zahajenja lětušeho dnja wotewrjeneho pomnika na Hłownym torhošću běchu čłonojo Lions-kluba při tym swoje stejišćo na Budyskim hrodźe natwarić. Prezidentka dr. Jana Šołćina witaše tam zwjazkarjow a podpěraćelow zhromadnych idejow. Tak zběrachu wone pjenjezy, kotrež ludźo Lions-klubej za točene piwo a přikusk přewostajichu, wospjet za wšelke socialne projekty. Budyska měšćanostka Juliane Neumann předstaji we wobłuku swojeho witanja wšitke objekty, kotrež běchu entuziasća tón dźeń za wopytowarjow wotewrěli. Na slědowace kemše pod hołym njebjom běchu najebać dešćikojte wjedro mnozy wěriwi z Budyšina přichwatali. Dalši běchu z busowymi předewzaćemi přijěli.