Thietmar Mjezyborski běše powědar, biskop a basnik. Wón bě swědk swojeho časa a je dźensnišim a přichodnym generacijam zawostajił žiwy wobraz 11. lětstotka.
Štóž je 1000. róčnicu wobstaća města Budyšina před 20 lětami sobu dožiwił, tomu měło mjeno Thietmar Mjezyborski (Merseburgski) woprawdźite zapřijeće być. Přetož měšćanski jubilej korjeni w jeho chronice. Mjeno Budyšin bu w lěće 1002 prěni króć naspomnjene. Budyski archiwowy zwjazk měješe tónle podawk za hódny, na swjedźeń před lětdźesatkomaj zhladować a nowe slědźenja wo Thietmarje předstajić.
