15 serbsce wuknjacych šulerjow z dźewjateho a dźesateho lětnika Kulowskeje wyšeje šule „Korla Awgust Kocor‟ poda so do oktoberskich prózdnin na ekskursiju do Berlina. Přewodźałoj staj šulerjow šulska wjednica knjeni Leschowa a šulski socialny dźěłaćer knjez Schwaba. Hižo w předpolu běchu so młodostni z dźěławosću Zwjazkoweje rady zaběrali a tuž twarjenje blisko Podstupimskeho naměsta tež wopytachu. Při tym sami pytnychu, zo swobodnje rěčeć a argumentować scyła tak jednorje njeje.
Wot zwjazkoweje rady dźěše podłu Berlinskeje murje přez Podstupimske naměsto k „Futuriumej‟ – interaktiwnemu muzejej,
w kotrymž mějachmy wjedźenje a hdźež so pozdźišo ze sćěhowacym prašenjom zaběrachmy: „Kak chcemy w přichodźe žiwi być?‟. Dale wobhladachmy sej spektakularnu show swěcow při Braniborskich wrotach a wužichmy móžnosć, sej wot kuple zwjazkoweho sejma wječorny Berlin wobhladać.
Na druhi dźeń podachmy so z podzemskej a tramwajku do kanclerskeho zarjada. Po krutych wěstotnych kontrolach a powučenju
