Nowy filmowy label produkciju swojeho prěnjeho paska zahajił

Grodk (SN/bn). „Ein Feuerwerk für die Kleinstadt“ je prowizoriski titul hrajneho filma, kotrehož produkcija bu wčera oficialnje zahajena. Pask ma pjeć ze sobu splećenych epizodow wopřijimać, něhdźe 100 mjeńšin trać a so předewšěm z akterkami a akterami z Grodka a wokoliny na městnje zwoprawdźić. Wobsadku z dohromady něhdźe 50 rólemi a wjace hač 300 komparsami chcedźa tele dny zestajić, mjez druhim z castingom w tydźenju po jutrach. Wjace hač stostronski scenarij staj režiser Erik Šyško a Sophie Ridel spisałoj, mjez druhim na zakładźe „njeličomnych interviewow“, kotrež je Riedel „z tudyšimi wobydlerjemi wjedła“, Šyško we wobłuku nowinarskeje rozmołwy wčera w Grodkowskim hotelu „Stadt Spremberg“ rozłoži. Dokelž ma so film „bjez spěchowanja ze zjawneje ruki a bjez wobdźělenja telewizijnych sćelakow“ realizować, nadźija so podpěry „dalšich lokalnych a regionalnych towarstwow, cyłkow a jednotliwcow.