Swjeća domchowanku

Wojerecy. W a při Čornochołmčanskim Krabatowym młynje swjeća jutře, sobotu, a zajutřišim, stajnje wot 10 hodź. domchowanku. Kulturny, serbsce a němsce moderěrowany program wopřijima mjez druhim hudźbu skupiny Horjany a akordeonista Manuela Meiera kaž tež prezentaciju „Estrada“ Serbskeje rejowanskeje skupiny Smjerdźaca. Nimo toho wuhotuje Kulturny centrum wiki z w Krabatowym regionje wudźěłanymi tworami. Zastup na dźeń płaći 4 eura resp. potuńšeny 2 euraj.

Na slědach Janka Šajatovića

Miłočicy. Hans-Jürgen Schröter a Jörg Tausch wuhotujetaj zajutřišim, njedźelu, wot 15 do 18 hodź. „stawizniske popoł­dnjo“ wo Janku Šajatoviću, kiž je z historiskim přikładom bajoweje postawy Krabat. Zarjadowanje wotměje so blisko Miłočanskeje skały na arealu „Při Krabatowym kamjenju“.

Maja Nagelowa wustaja