Pomocny skutk za Palestinjanow žada sej přiměr w Gazaskim pasmje

Rafah (dpa/SN). Hladajo na mnohe ciwilne wopory a na napjate połoženje zastaranja za čas israelskeho nadpada na zepěranišća islamistiskeje Hamas w Gazaskim pasmje je sej pomocny skutk UNO na dobro Palestinjanow UNRWA znowa přiměr žadał. „Humanitarny přiměr je dawno trěbny“, rjekny generalny komisar UNRWA Philippe Lazzarini po swojim prěnim wopyće w Gazaskim pasmje po spočatku wójny. „Bjez přiměra tam hišće wjace ludźi morja, žiwi poćerpja dalše straty a něhdy žiwa a hibićiwa towaršnosć so na přeco w zrudobje potepi.“