Wólbny forum w Budyšinje so jenož nakromnje serbskich temow dótknył

Budyšin (SN/at). Horce njeje na žurli Budyskeho krajnoradneho zarjada wčera wječor jenož hladajo na temperaturu było. Horcu diskusiju sćěhowaše wjace hač 130 ludźi na wólbnym forumje krajneje centrale za politiske kubłanje z kandidatku a kandidatami za wólby Sakskeho krajneho sejma we wólbnym wokrjesu 56/ Budyšin 5. To zwisowaše tež z tym, zo načolny kandidat sakskeje AfD, Jörg Urban, jako direktny kandidat nastupi.