Krawale postajeja dale wšědny dźeń we Wulkej Britaniskej
London (dpa/SN). Tysacy ludźo demonstrowachu wčera přećiwo prawicarskim wukročenjam we Wulkej Britaniskej. Ludźo z wjacorych městow wuprajichu so přećiwo rasizmej a hidźe, mjez druhim w Londonje, Sheffieldźe, Bristolu a Brightonje. W Liverpoolu zhromadźichu so sta ludźi, zo bychu poradźowanski centrum za ćěkańcow škitali.
Dlěje hač tydźeń hižo maja we Wulkej Britaniskej prawicarske krawale. Randalěrarjo běchu zašłe dny policistow, bydlenja azyl požadowacych a mošeje nadběhowali kaž tež awta a twarjenja zapalili. Premierminister Keir Starmer hrožeše z krutym chłostanjom na zakładźe zakonja
