Druhi wólbny forum Domowiny so starym a nowym pućam wěnował

Wojerecy (SN/mb). „Krótke, ale słódke“, zjimaše Dawid Statnik, předsyda Domowiny, druhi wólbny forum narodneje organizacije w muzeju Konrada Zuseho. Wón kaž hižo tydźenja w Smječkecach tež wčera wječork moderěrowaše – tón raz z kandidatami za krajny sejm we wólbnym wokrjesu 55/Budyšin 4, do kotrehož nimo Wojerowskich kónčin tež gmejny Bóšicy, Njeswačidło, Rakecy a Radwor słušeja. Porno prěnjemu forumej je so zarjadowanje hižo za hodźinu zakónčiło, wšako běše jenož jedne prašenje z publikuma.