Bonn (dpa/SN). Něhdźe 20,5 milionow ludźi w Němskej dojězdźuje sej na swoje dźěłowe městna. Za 7,1 milion dźěławych wučinja distanca mjez bydlenjom a dźěłowym městnom samo wjace hač 30 kilometrow. Tole zdźěli zwjazkowy institut za twarske, měšćanske a rumnostne slědźenje (BBSR). Hač dyrbja woni distancu kóždy dźeń zmištrować, abo hač dźěłaja potrjecheni tež w home-officu z analyzy njewuńdźe.

„Agro-ćěriwa“ škodźa klimje

Berlin (dpa/SN). Němska pomoc wobswěta žada sej CO2 płaćiznu za biologiske ćěriwa. Zwjazkowy jednaćel organizacije Sascha Müller-Kraenner praji, zo njeje němske spěchowanje tak mjenowanych „agro-ćěriwow“ prawe rozrisane a, zo škodźa tute samo wobswětej. Zdobywanje tutych ćěriwow je z „masiwnym zasadźenjom“ fosilnych surowiznow, hnojiwow a pesticidow zwjazane. Tole škodźi klimje a biodiwersiće masiwnje.

Slubjenja prosće njedosahaja