Projekt Phōnē znowa mjezynarodny flair do města přinjesł
Budyšin (SN/MG). Zahroda Němsko-Serbskeho ludoweho dźiwadła je połna ludźi. Miły wětřik poslednjeho lěćneho wječora šumi po wulkich štomach. Je dźeń wotewrjenych duri, cyłe njedźelniše popołdnjo hižo bě team dźiwadła pokazał, što je za nowu hrajnu dobu planował. Pisana to přehladka z mnohimi překwapjenkami. Jedna z nich drje připowědźena, ale tola mnohich přiwabi: „International day“ – „mjezynarodny dźeń“.
