Strategije za sylnjenje a łahodne zwičnjenje regionalneje kultury

Hórnikecy (SN/bn). Dohromady něhdźe 150 zastupjerjow najwšelakorišich, předewšěm kulturnych institucijow, politiki a wuměłstwoweje sceny wobdźěli so wčera na druhim Łužiskim kulturnym forumje w Hórnikecach. Hosćićelka Maria Schöne mjenowaše tamnišu Energijowu fabriku „idealnu městnosć za tajkele zetkanje, wšako reprezentuje ze swojimi stawiznami cyłu Łužicu“. Wotrjadnikaj Brigitte Faber-Schmidt (Braniborske ministerstwo za wědomosć, slědźenje a kulturu) a Markus Franke (Sakske statne ministerstwo za wědomosć, kulturu a turizm) wuzběhnyštaj „wažnosć zhromadneho postupowanja“, kotrež widźitaj „na dobrym puću“ kaž tež jako „nowy kapitl prusko-sakskich stawiznow“.