Budyšin (SN). Maćica Serbska (MS), załožena w lěće 1847 w Budyšinje, je najstarše serbske towarstwo. Z wobnowjenjom po politiskim přewróće 1989/90 staji sej mjez druhim nadawk, wědomostnu zaběru ze stawiznami, rěču a kulturu Serbow spěchować a sorabistisku wědu šěrić. Na mjezynarodnej konferency „Wědu šěrić – Wissen schaffen – Wědu šyriś“ w nowembru 2022 składnostnje 175. róčnicy dozałoženja MS wěnowachu so referentki a referenća z tu- a wukraja wosebje wožiwjenju a dźěłu towarstwa tutoho časa. Nowa antologija pod titulom „Wědomosć za wšitkich. Maćica Serbska/Maśica Serbska po 1990“ dokumentuje wobšěrne skutkowanje MS w zašłych 30 lětach a zdobom wuslědki konferency w lěće 2022. Z tym wudospołnja w lěće 1997 wudatu knižku „Trać dyrbi Serbstwo“ wo staršich stawiznach towarstwa. Jako 38. zešiwk wuńdźe zběrnik z přinoškami 18 awtorkow a awtorow w Małym rjedźe Serbskeho instituta (SI). Wudawaćelki dr. Anja Pohončowa, dr. Theresa Jacobsowa a dr. Ines Kellerowa su sobudźěłaćerki SI a zdobom čłonki MS. Na předań je wudaće w Serbskej centralnej bibliotece, digitalna wersija je wot jutřišeho pod www. serbski-institut.

wužiwarske mjeno

klučowe hesło

Hišće žane wužiwarske konto zarjadowane?
Klučowe hesło zabył/a?
Wužiwarske mjeno zabył/a?