Film a temowe popołdnjo

Budyšin. We wobłuku wosebiteje wustajeńcy „Wěčne pućowanje – Barba a słowo w twórbje ukrainskeho wuměłca Andrija Sharana“ wuhotuje Budyski Serbski muzej dźensa, pjatk, filmowy wječor. We 18 hodź. poda Rainer Mende z Pólskeho instituta zawod do pólsko-ukrainsko-francoskeje koprodukcije „Skąd dokąd“. Pask Macieka Hamela dokumentuje „jěru realitu wójny w Ukrainje a kak so na dźěći a swójby wuskutkuje“. Film předstaja w originalu z němskimi podtitulemi. Srjedu, 11. decembra, slěduje w 17 hodź. temowe popołdnjo „Wuměłstwo w podušenju – Swoboda wuměłstwa w Ukrainje“. Henryk Mazurkiewicz a Agnieszka Wolny-Hamkało wěnujetej so „centralnej róli, kajkuž wuměłstwo jako srědk spjećowanja a za wutworjenje identity zaběra“.

Hudźba w swětle swěčki

Budyšin. Organist Kamil Maksymilian Kulawik je z hosćom přichodneho koncerta rjadu „Adwentna pišćelowa hudźba w swětle swěčki“ w Budyskej cyrkwi swj. Pětra. Jutře, sobotu, zahraje w 17 hodź. twórby Johanna Sebastiana Bacha, Jeanne Demessieux a Feliksa Brojera. Zastup je darmotny, pjenježne dary pak so njewotpokazuja.