Dotalny ministerski prezident z wulkej absolutnej wjetšinu wobkrućeny

Drježdźany (SN/mb). Eksaktnje połdra hodźiny po zahajenju wólbow ministerskeho prezidenta běše dźensa drama za Michaela Kretschmera (CDU) wuspěšnje zakónčena: Wón dósta z 69 hłosami wjele wjac hač absolutnu wjetšinu 61 mandatow parlamenta. Přiwšěm njetrjebaše w druhim kole hižo absolutnu wjetšinu, jenož wjac hłosow hač druhi najsylniši kandidat. To běše njejapcy Matthias Berger, jenički zapósłanc Swobodnych wolerjow z 39 hłosami. Wočiwidnje dósta hłosy z AfD, jeje šef Jörg Urban drje kandidowaše, ale so skónči ze jednym hłosom. W prěnim kole cyle hinak wupadaše: Za Bergera so šěsć zapósłancow rozsudźi, 40 za Urbana (frakciji AfD přisłuša 40 zapósłancow) a 55 za Kretschmera, štož njedosahaše, wšako bě w prěnim kole absolutna wjetšina trěbna.