Na swojim wurjadnym posedźenju je wokrjesny sejmik w Zhorjelcu wčera dwójny etat za lěće 2025/2026 schwalił. Po dołhej ćahańcy je wokrjes nětko zaso kmany jednać a swoje nadawki w połnym wobjimje spjelnjeć.

Zhorjelc (AK/SN). Wokrjes Zhorjelc je we wažnych nadawkach dale kmany jednać. Ze snadnej wjetšinu je wokrjesny sejmik wčera dwójny etat za lěće 2025/2026 wobzamknył. Krajneho radu dr. Stephana Meyera namołwjachu, so pola swobodneho stata Sakskeje wo připokazanja na zakładźe potrěbnosćow prócować, zo bychu deficity wurunali. 2025 wučinjeja tute deficity 59 mio. eurow, 2026 budźe to něhdźe 86 milionow eurow. Konceptej za strukturu etata pak radźićelki a radźićeljo njepřihłosowachu.