Berlin (dpa/SN). Unija a SPD chcedźa swoje koaliciske jednanja najprjedy raz w małych skupinach dale wjesć. Dźensa rěčachu wo financach. Do toho bě so wčera w centrali CDU hłowna jednanska skupina z 19 wodźacymi zastupnikami CDU, CSU a SPD a stronskimi předsydami schadźowała. Hišće tutón tydźeń chcedźa wšitke wotewrjene prašenja rozrisać, z kruhow wobdźělnikow rěkaše. Najćešo móža so nastupajo financy a we wobłuku migracije dojednać.
Žadaja sej pokutu za komdźenje
Berlin (dpa/SN). Kasowi lěkarjo žadaja sej pokutu za pacientow, kotřiž knihowane terminy skomdźa. Rěčnik cyłoněmskeho zwjazka dźěćacych a młodźinskich lěkarjow Jakob Maske rjekny, zo njeje tajke zadźerženje dlěje akceptabelne, dokelž nuznje trěbne terminy za druhich pacientow blokuja. Zo bychu komdźerjow sensibilizowali, by pokuta sto eurow trěbna była, sej Maske žada.
China zwučuje wokoło Taiwana
