Washington (dpa/SN). Prezident USA Donald Trump wočakuje dźensa wječor israelskeho ministerskeho prezidenta Benjamina Netanjahuwa w Běłym domje, a to hižo druhi króć po přewzaću swojeho zastojnstwa. Netanjahu je připowědźił, zo chcył z Trumpom mjez druhim wo nowych cłach, wo prócowanjach na dobro zastajencow w Gazaskim pasmje a wo wohroženju ze stron Irana ­rěčeć. Trump bě Netanhajuwa hakle spočatk februara we Washingtonje witał.

Kritizuja manewer Chiny

Washington (dpa/SN). Wonkowni mi­nistrojo statow G 7 a społnomócnjena EU za wonkowne naležnosće Kaja Kallas zastopnjuja wulki wojerski mórski manewer Chiny wokoło Taiwana jako wohroženje mjezynarodneje wěstoty. W zhromadnej deklaraciji rěča wo „přibě­racych destabilizowacych aktiwitach“ ludoweje republiki, kotrež napjatosće mjez krajomaj přiwótřa a globalnu wěstotu a derjeměće ludźi wohrožuja.

Přiwisnicy Le Pen protestowali