Sinfoniski koncert w Budyšinje

Budyšin. Orchester Serbskeho ludoweho ansambla přeproša zajimcow jutře, sobotu, na 3. sinfoniski koncert. Na žurli SLA zahraja hudźbnicy a hóstny solist Ludwig Balser na wiolinje pod nawodom Kathariny Dickopf kompozicije mjez druhim Detlefa Kobjele a Claudea Debussyja. Koncert započnje so w 19.30 hodź., poł hodźiny do toho podawaja zawod do zarjadowanja. Zastup płaći 14 resp. potuńšeny 10 eurow.

Delnjoserbska prapremjera

Hochoza. Němsko-Serbske ludowe dźiwadło předstaji jutře, sobotu, prěni raz swoju lětušu delnjoserbsku inscenaciju „Pórajśo se wen do swěta“. Prapremjera hudźbno-sceniskeje kolaže z pjera režiserki Esther Undisz wotměje so w Hochožanskim hosćencu „Złośany plon“ a započnje so w 19.30 hodź., zastup płaći 15 resp. potuńšeny 9 eurow.

Wusahowacy organist z hosćom