K serbskemu sydlenskemu rumej so z protesta wuznali
Prožym je w běhu 80 lět bagrej trójce z łopače skočił. Nětko na přeco
Rozsud je 14. wulkeho róžka padnył: Dźělne polo 2 brunicoweje jamy Wjelcej-juh II Łužiska energija a milinarnje AG politiskeho rozsuda wo kóncu wudobywanja brunicy dla hižo njewužiwa. Z tym zwjazany je doskónčny fakt: Prožym wjace njewotbagruja. Do toho bě 80lětny bój wjesnjanow přećiwo brunicy. Jónkrótny to wotběh.
Załoženje wsy je z lětom 1527 datěrowane, prěnje dokumentariske naspomnjenje pochadźa z lěta 1551. Prěni sydlerjo běchu Serbja, kaž wšudźe w tudyšej kónčinje. Hišće wosrjedź 1950tych lět chodźachu někotre žony wšědnje burske. Serbska rěč bu wot spočatka 20. lětstotka wutłóčena a je so přiběraceje industrializacije dla w 1960tych lětach dospołnje pominyła.
Jenož wid přez wokno galerijow na bohate tworjenje wuměłcow je ...
Galerije w Budyšinje, Korzymju a Biskopicach prócuja so ćežku dobu přemosćić. A to na jara wšelake wašnje.
Spodobne krajiny su widźeć, pohlady na město Budyšin, debjenki, skulptury a barbow połna keramika – wšitko nažel pak jenož přez wokno. Durje do Galerije Budissin na Budyskej Hrodowej hasy wšak wostanu zawrjene.
Podobnje zjawej, z kotrymž maja so čłonojo Budyskeho wuměłstwoweho towarstwa rozestajeć, je to tež we Wuměłskej iniciatiwje „Im Friese“, w něhdyšej tekstilnej fabrice w Korzymju kaž tež w Biskopicach. Ani jenička galerija njesmě tuchwilu korony dla a z njej zwjazanymi předpisami swoje durje zajimcam wotewrěć. Naprašowanje mjez wšitkimi třomi wobhospodarjemi pokazuje wobchad z njewšědnej situaciju.
Šulerjo ...
Šulerjo 1. lětnika su w času domjaceho wuknjenja wosebity projekt přewjedli. K nadawkam šulerjam słušeše, sej ptačokwasnu masku paslić a so z njej fotografować dać. Rjadowniski wučer Štefan Paška je potom z wobrazow zestajił pisanu kolažu z wobrazomaj lońšeju ptačokwasneju porikow. Tutu překwapjenku wobradźeše šulerjam na dnju ptačeho kwasa. Wšitcy chowancy Serbskeje zakładneje Šule Ćišinskeho dóstachu pak jako narunanje za wupadnjeny ptači kwas digitalny swjedźenski ćah w formje wideja z wobrazami a spěwami lońšeho wulkeho swjedźenja. Nic jenož dźěćom, ale tež staršim je so tuta forma jara lubiła.
Šulerjo Serbskeje zakładneje Šule Ćišinskeho Pančicy-Kukow
Myto za film dóstali
Wjesołu powěsć su dźěći z Róžanta dóstali, kotrež w lońšej wosebitej hodownej hrě sobuskutkowachu. Koronapandemije dla su sceny z trikowymi elementami nahrawali, při čimž měješe wobydlerka wsy Diana Šołćina režiju. Zdobom bě hračko z jeje pjera. Z přinoškom su so potom na 11. festiwalu třoch kulturow wobdźělili a skónčnje samo prěnje městno docpěli. Spožčiło je myto załožba Europska parla baroka.
Wšitke Róžeńčanske dźěći, kiž su so na lońšej hodownej hrě „Hody budu“ wobdźělili, njeje drje fotograf k dobyćerskemu wobrazej zhromadźić móhł, wjetšina pak bě minjeny tydźeń pódla.
W hodownej hrě su sobu skutkowali: Hańža Handrikec, Lenka Handrikec, Feliks Handrik, Stanij Žur, Lubina Žurec, Mato Hejduška, Matej Kmjeć, Lena Kmjećec, Patricia Dittrichec, Jadwiga Mittagec, Józef Mittag, Silas Hrjehor, Linus Hrjehor, Mirija Šołćic, Milena Šołćic, Johan Šnajder, Nayla Domaškec, Jana Wróblec, Hendrik Klimant a Alina Wjeńkec. Konstantin Hrjehor
Fota: jakub langaPřećelstwo – najwjetšebohatstwo!Nowy skład ...
Přećelstwo – najwjetše bohatstwo!
Nowy skład kluba
Zhromadna wječer młodostnym wosebje derje słodźi.
Předsydstwo Serbskopazličanskeho mzc: předsydka Elisa Domšec, pokładnik Ambrož Handrik
a městopředsyda Jonas
Lehmann (wotlěwa)
Po domjacym wjesnym swjedźenju so młodostni
z předsydku Elisu Domšec (prědku naprawo) tež raz
rjany „cworn“ zdrasća.
Na nimale kóždej serbskej wsy
maja młodostni swój klub.
Tajke zetkawanišća wam nětko w młodźinskej
nowinje předstajamy.
Jakub Langa je so šefinje Serbskopazličanskeho młodźinskeho srjedźišća Elisy Domšec
dźěry do brjucha prašał.
Serbske Pazlicy
Serbske młodźinske kluby 1.dźěl
Elisa, kelko čłonow tučasnje maće, a kajka je konstelacija mjez holcami a hólcami?
E. Domšec: Smy něhdźe 25 čłonow, z toho sydom holcow. To je dobra ličba za našu wjes.
Štó wšitko do předsydstwa słuša, a kak husto nowe předsydstwo woliće?
E. Domšec: W předsydstwje sym ja předsydka a Jonas Lehmann městopředsyda. Ambrož Handrik wukonja nadawk pokładnika. Předsydstwo wolimy kóžde dwě lěće.
Serbske młodźinske kluby 1.dźěl
Předsydstwo Serbskopazličanskeho mzc: předsydka Elisa Domšec, pokładnik Ambrož Handrik
a městopředsyda Jonas
Lehmann (wotlěwa)
Po domjacym wjesnym swjedźenju so młodostni
z předsydku Elisu Domšec (prědku naprawo) tež raz
rjany „cworn“ zdrasća.
Serbske PazlicyNa nimale kóždej serbskej wsy
maja młodostni swój klub.
Tajke zetkawanišća wam nětko w młodźinskej
nowinje předstajamy.
Jakub Langa je so šefinje Serbskopazličanskeho młodźinskeho srjedźišća Elisy Domšec
dźěry do brjucha prašał.
Elisa, kelko čłonow tučasnje maće, a kajka je konstelacija mjez holcami a hólcami?
E. Domšec: Smy něhdźe 25 čłonow, z toho sydom holcow. To je dobra ličba za našu wjes.
Štó wšitko do předsydstwa słuša, a kak husto nowe předsydstwo woliće?
E. Domšec: W předsydstwje sym ja předsydka a Jonas Lehmann městopředsyda. Ambrož Handrik wukonja nadawk pokładnika. Předsydstwo wolimy kóžde dwě lěće.
Po Chorwatskej dale do MontenegraZadar, Split a Makarska – to běchu ...
Po Chorwatskej
dale do Montenegra
Zadar, Split a Makarska –
to běchu prěnje stacije naju lěćneho
dowola. Dožiwjenja w tutych krasnych městach
Chorwatskeje je přećelka Melanie Wowčerjec,
kotruž hižo wot časa pěskoweho kašćika znaju,
w zašłym młodźinskim wudaću wopisała. To pak dawno njeje wšo! Hakle nětko so porjadny drama započa – a tak je sej naju jězba mjeno
„roadtrip“ tež woprawdźe
zasłužiła.
Přebytk w Makarskej njebě předołhi. Po třoch dnjach nastajichmoj so z busom přez Bosnisku-Hercegowinu hač do Dubrovnika. Po puću do hostela srjedź města njemóžachmoj dočakać, to wšo tež wodnjo widźeć. Nazajtra wobhladachmoj sej najprjedy krasne stare město z typiskej měšćanskej murju a twjerdźiznu Lovrijenac. Do toho smój direktnje před njej na přibrjohu snědałoj – lěpši start do dnja njedawa! Dale dźěše na horu Srd. Kaž hižo tójšto razow do toho bě tež tam njewšědny wuhlad. Wječor podachmoj so z přećelemi, kotrychž běchmoj wodnjo zeznałoj, do někotrych barow w starym měsće. Dokelž bě tón dźeń chětro napinacy, wostachmoj slědowacy jenož na přibrjohu.
Překwapjenku přihotowali
Pěstowarnje su koronoweje pandemije dla zawrjene. A přiwšěm je sej team kubłarjow Ralbičanskeje pěstowarnje za dźěći překwapjenku přemyslił a zwoprawdźił. W zarjadnišću je za wšitkich, kotřiž su w nuzowym zastaranju, ptačokwasnu snědań spřihotował. Tež rejki a spěwy su dźeń wobrubili. Wšěm dźěćom, kotrež njesmě Ralbičanska pěstowarnja postajenjow korony dla tuchwilu dohladować, su ptački-kubłarki składnostnje ptačeho kwasa postrow ze słódnej sroku, wumolowanskim zešiwkom, receptom, hódančkom a spěwom wosobinsce domoj přiwjezli. Wjednica Ralbičanskeje pěstowarnje Jadwiga Nukowa
Njezwučeny ptači kwas
Braška Kurt je we Worklecach na kwasnu hosćinu njewjesty Pauliny a nawoženje Miloša přeprosył.
Foće: Katja Rauerowa
Ptače hněžko a hodowny darik dóstali
Haj, lětsa smy tež w Rownjanskej pěstowarni „Milenka“ ptači kwas trochu hinak swjećili, Zetkachmy so z wosom dźěćimi w małkim kole. Zaspěwachmy sej serbsku pěseń wo ptačim kwasu, a jednotliwe štučki zahrachmy. Dźěći dyrbjachu hnydom wjacore róle přewzać, wšako trjebachmy za cyłkownje 18 štučkow wjele ptačkow. Wšitkim je so přiwšěm spodobało. A nad překwapjenku, kotraž po tym sydaše, su so dźěći kaž tež starši wjeselili. Hodowne dariki a ptače hněžka Slepjanskeho pjekarja su jim w rjanych titkach domoj wobradźili. Někotři chowancy Rownjanskeje pěstowarnje dźě dyrbjachu hižo do hód doma wostać. Nětko su kubłarki dźěćom wšitko domoj dowjezli a za durje pójsnyli. Kóžda kubłarka je dołhu lisćinu wotdźěłała. Tak bě wšitko spěšnje rozdźělene. Nawodnica Rownjanskeje pěstowarnje Dorit Stettnisch
