Nedlands (dpa/SN). Awstralski team slědźerjow je wotkrył, zo su dźěći, kotrež wotrostuja z psom, ćělnje aktiwniše porno druhim. Dźěći, kotrež so prawidłownje hibaja, su mentalnje a ćělnje strowše. Wosebje mjez holcami zwěsćichu wědomostnicy: Přez hrajkanje abo wuchodźowanje z psom na čerstwym powětře maja wone wob tydźeń wosom ćělnych aktiwitow­ wjace hač holcy bjez psa. Wuslědki­ w skupinje hólcow běchu po­dobne. Hólcy z psom maja tydźensce přerěznje sydom ćělnych aktiwitow wjace hač ći bjez psa.

Swětowa organizacija za strowotu (WHO) doporuča, zo su dźěći w starobje jedyn do štyri lět wšědnje tři hodźiny ćělnje aktiwni. Dźěći a młodostni wot pjeć do sydomnaće lět měli so wšědnje znajmjeńša jednu hodźinu intensiwnje pohibować. Wuchodźowanje a hrajkanje z psom je cyle w zmysle tuteju doporučenjow.

Mjez dźěćimi, kotrež běchu psa zhubili, zwěsćichu wědomostnicy woteběracu motiwaciju so pohibować. To móhło po jich měnjenju mjez druhim na sylnym žarowanju zaležeć. Wuchodźowanje z psom wjetšina tutych dźěći hižo z druhej ćělnej zaběru njenaruna.

Wodorunje: 3 daloko-, 5 městno k sedźenju, 6 požadar tworow, 7 wohin serbsce, 10 rozrězane drjewo, 13 knjeni pólsce, 14 prjedawši prezident USA, 15 čerwjeny planet

Padorunje: 1 aroma, 2 přiwuzny, 3 na tajke wašnje, 4 špatny čłowjek, 8 japanske město, 9 božemje španisce, 11 znaty wuměłc, sportowc, 12 kazachski jězor

W februarskim wudaću Rozhlada so w dwójnym zmysle na korjenje zhladuje: na domiznu a na z drjewiny zhotowjene graty, kotrychž slědy wužiwanja titulny wobraz wotbłyšćuje.

Z předsłowom nadźija so Maximilian Gruber słónca, wšojedne, zwotkal swěći! Njech so předrěje: do našich ćmowych dnjow, do našich dušow. A njech je nam pohon, tež sami ze słóncom być.

Dale piše Hartmut Leipner wo žiwjenju serbskeho fararja Bogumiła Šwjele, wo prócowanjach wo serbsku rěč a wo jeho dožiwjenjach za čas wšelakorych politiskich dobow. Mjez dušepastyrkej misiju, switanjom bórzomneje katastrofy a rezignaciju sej Šwjela wotmołwi, štož nas do dźensnišeho zaběra: hač serbska rěč sej měrnje wusnje abo na hłódtradanju zańdźe.

Rymowaše so mjeno hornjołužiskeje gmejny Zemicy-Tumicy hižo přeco? Tutomu prašenju wěnuje so přinošk Lipšćanskeho rěčewědnika a slawista prof. dr. Bernda Koenitza. Wobswětlujcy móžny pochad słowow hodźi so zwěsćić, so stej sebi mjenje bliže, hač so zdawa.