Wotewru wustajeńcu

Kamjenc. We wobłuku Interkulturneju tydźenjow w Budyskim wokrjesu wotewru jutře, wutoru, w 19 hodź. na dworje Kamjenskeje radnicy nowu wustajeńcu. Jeje hesło rěka „Swětowe nabožiny – swětowy měr – swětowy etos“. K tomu porěči Katrin Baumann ze załožby Swětowy etos.

Žohnuja zaso zapřahi

Chrósćicy. Na wosebity nyšpor domchowanki z požohnowanjom konjacych zapřahow přeproša sekcija wěda a skutk Towarstwa Cyrila a Metoda njedźelu, 24. septembra, w 14 hodź. do Chrósćic na łuku při Hatkach. Na nyšpor přijědźe tohorunja Drježdźansko-Mišnjanski biskop Heinrich Timmerevers. Chró­šćan­scy wosadni dujerjo nutrnosć wobrubja.

Na dalši spěwny wječork

Jaseńca. Jutře, 16. požnjenca, přeproša towarstwo Serbska murja zajimcow znowa do Jasčanskeje „Bjesady“ při sportnišću na spěwny wječork. Hosćo móža so wjeselić na pisanu měšeńcu serbskich, němskich, jendźelskich a druhich słowjanskich pěsnjow. Samozrozumliwje chce tam Serbska murja tež nowe swójske kompozicije předstajić. Z pomocu tekstoweje knižki „Zaspěwam sej spěw“ móže kóždy rady sobu spěwać, ale tež rejwać. Započatk je w 20.30 hodź.

Durje gratownje wotewrjene

Rakecy. Dźeń wotewrjenych duri wuhotuje jutře, sobotu, Rakečanska wo­hnjowa wobora w swojej gratowni. W 14 hodź. chcedźa tam nowe jězdźidło z wjerćitym rěblom přepodać a je poswjećić. Na to wobornicy demonstruja, kak hodźi so rěbl zasadźeć. Tomu přizamknje so pokazka młodźinskeje wohnjoweje wobory. Nimo toho poskića kofej a tykanc. Za dźěći je wšelka zaběra přihotowana. Tohorunja jutře, ale hižo wot 9 hodź. budu na terenje bywšeho Rakečanskeho kubła čaporowe wiki.

Hród zdźěla zaso přistupny

Pjatk 15. do 17.9.  13. nazymske wiki we Łazu

  19:30 Podijowa diskusija w Drježdźanskim Domje katedrale ze sakskimi kandidatami za wó­lby zwjazkoweho sejma k socialnym temam

  19:45 Premjera knihi Pawoła Roty na Radlubinje w Ralbicach

Sobotu 16. do 17.9.  Jěchanski a skakanski turněr w Hórkach

  9:00 Wulke čaporowe wiki w Rakecach we wobłuku wohnjowoborneho swjedźenja

  10:00 Dworowy swjedźeń w Čornym Chołmcu

  12:00 Swjedźeń wodosportoweho towarstwa při jězoru w Sprjewinym Dole

  14:30 Program SLA „A nimjer fidle rejuju“ w Lubnjowje

  15:00 Nazymske spěwanje chórow na Budyskim torhošću z wobdźělenjom SLA

  16:00 Zakónčenje akciskeho tydźenja „přećiwo zabyću“ na Budyskich Žitnych wikach

  19:30 Předstajenje „Romeo a Julija na plaće“ w Budyskim NSLDź ze serbskimi, němskimi młodostnymi kaž tež młodymi ćěkancami

  20:30 Spěwny wječork ze skupinu Serbska murja w Jasčanskej „Bjesadźe“

  21:00 Darkmusic-party w Dźěžnikečanskej Kotołni

Njedźelu 17.9.  Budyska kermuša

  10:00 Pišćelowy koncert w Njeswačanskej cyrkwi

  10:00 Pućowanje rangerow ze Stróžanskeho Domu tysac hatow k Hućinjanskemu niwowemu lěsej

njedźelu hornjoserbsce

11:00 Łužica tónle tydźeń, mjez druhim wo Zwjazkowym předsydstwje Domowiny

11:20 Do wólbow: Strony a Serbja

11:45 Wustajeńca wo Krabaće

12:00 Nabožne wusyłanje

 (Jens Buliš)

po tym zbožopřeća

delnjoserbsce

12:30 Aktualny magacin, mj. dr. wo nazymskim semestrje Šule za delnjoserbsku rěč a kulturu

13:00 Wo stawiznach serbskeje rejwanskeje hudźby

13:30 Nabožne wusyłanje

(Cyril Pjech)

po tym zbožopřeća