Pokiwy (26.10.17)
Jurij Koch čita
Hórki. Na zhromadny wječor z rodźenym Hórčanom Jurjom Kochom přeproša wjesne towarstwo Při skale wšitkich zajimcow jutře, pjatk, w 19.30 hodź do rumnosćow wohnjowoborneje gratownje w Hórkach. Spisowaćel čita tam ze swojich dopomnjenkow na dźěćace a młodźinske lěta. Młody akordeonist Daniel Grunski čitanje wobrubi.
Z motorskim lěto po Africe
Njeswačidło. Multimedialny přednošk „Na dwěmaj kolesomaj po Africe“ dožiwja zajimcy sobotu, 28. oktobra, w 19 hodź. na žurli Njeswačanskeho hosćenca. Šwicar Martin Münch rozprawja wo swojej spektakularnej jězbje z motorskim po Africe. Wot Kapstadta jědźeše wón podłu wuchodneje kromy kontinenta hač do Kaira a dale přez Bliski wuchod do wuchodneje Europy a do Šwicarskeje. Zastup je darmotny, zarjadowar pak prosy wo pjenježny dar.
Kedźbu, pčołarjo!
Njeswačidło. Zajimawy přednošk wo dźěławosći z tak mjenowanymi dadant-kołćemi poskići Njeswačanska přirodoškitna stacija póndźelu, 30. oktobra, w 19 hodź. na žurli Njeswačanskeho hosćenca. Referent budźe Rolf Schülbe z Bad Schandauwa. Zastup płaći 2,50 eurow.
Do kina (26.10.17)
26.10.2017 – 1.11.2017 Budyski filmowy palast: Fack ju Göhte 3: wšědnje 14:00, 15:30, 16:30, 18:00, 19:30, 20:30 (nimo wu) a 22:30 (nimo štw, wu a srj) Thor: Tag der Entscheidung w 3 D: wu a srj 14:30, 17:15 a 20:00 Jigsaw: wšědnje 19:30 (nimo wu) a 23:00 (nimo štw a srj) Ich, Judas: wu 20:15 Captain Underpants: štw 15:00 | pj 14:30 ES: štw, pj, so a nj 19:30 | pj, so, nj a pó 22:15 Cars 3 – Evolution: so, nj, wu a srj 15:00 My Little Pony: nj a wu 13:00 Cars 3 – Evolution w 3 D: nj a wu 12:00 | pó 14:30 Lego Ninjago w 3 D: štw 14:30 Vorwärts immer!: štw, so a wu 17:15 Blade Runner 2049 w 3 D: pj, so, nj a wu 21:45 Kingsman – The Golden Circle: štw a pó 16:45 Bigfoot Junior: pó 15:00 Emoji: pj 13:30 | nj 14:30 Lego Ninjago: nj a wu 12:15 Rock My Heart – Mein wildes Herz: so 14:30 High Society: pj, so a nj 16:45 Bullyparade: pj, nj a srj 17:15 Ich – Einfach unverbesserlich: pj 15:00 Ostwind 3 – Aufbruch nach Ora: nj a wu 12:30
Kino-ekstra: Die Party: pó 17:15 a 20:15
Pokiwy (23.10.17)
Čitaja z antologije
Lipsk. Najnowšu antologiju serbskeje literatury „Mlóče“ móža jutře, wutoru, Lipšćanscy Serbja a jich přećeljo zeznać. Z knihi čitaja Lubina a Dušan Hajduk-Veljković a Měrćin Wjenk. Tomu přizamknje so bjesada a budźe składnosć, sej antologiju kupić a signować dać. Čitanje započnje so w 19 hodź. w hornjej galeriji kofejownje „Telegraph“ (Dittrichring 18-20).
Wo Serbach a reformaciji
Łaz. Knihu „Pjeć lětstotkow – Serbja a reformacija“ předstaji wudawaćel Jan Malink srjedu, 25. oktobra, we 18 hodź. we Łazowskim Domje Zejlerja a Smolerja. Na to přeprošatej spěchowanske towarstwo domu a Ludowe nakładnistwo Domowina. Zastup płaći tři eura.
Pokiwy (20.10.17)
Pytaja za wotmołwami
Budyšin. Pod hesłom „Regionalne wotmołwy na globalne wuwiće“ wotměje so jutře, sobotu, wot 10 do 14 hodź. 10. Budyski socialny forum w tudyšim Kamjentnym domje. Tam chcedźa rozmyslować a diskutować wo prašenjach kubłanja, dźěła, mzdow, hospodarstwa a měrliweho zhromadneho žiwjenja. Za ćělne derjeměće budźe bifej přihotowany, za kotryž pak móže kóždy tež něšto sobu přinjesć.
Klezmerowa hudźba zaklinči
Smochćicy. Wosebity koncert z duwom „klezmer reloaded“ z Wiena wotměje so jutře, sobotu, w 19.30 hodź. w Smochčanskim Domje biskopa Bena. Duwo přebywa składnostnje 21. Drježdźanskeho židowskeho hudźbneho a dźiwadłoweho tydźenja w našim regionje. W Smochćicach prezentujetaj Maciej Golebiowski a Alexander Shevchenko swoje njewšědne interpretacije, do kotrychž zapřijetaj wonaj tohorunja jazz, chanson, tango a orientaliske zynki. Zastup je darmotny, prosy so wo wulkomyslny dar.
Do biblioteki pohladnyć
Mjez wjacorymi prózdninskimi poskitkami Budyskeho Serbskeho muzeja ...
Za filmowy projekt trjebaja šulerjo pomoc
Protyka (20.10.17)
Pjatk 20.10. do 22.10. Jěchanski a skakanski turněr w Jěžowje
19:00 Kermuša Chróšćanskeje młodźiny w Hórnikowym domje
19:00 Přednošk wo kubłanskim koncepće 2plus za staršich w Chróšćanskej Jednoće
19:00 Čitanska turneja LND: Předstajenje knihow „Jurij Brězan. Leben und Werk“ a „Krabat oder Die Verwandlung der Welt“ w Bórkowskej kniharni „Lesezeichen“
19:00 Nakupowanska nóc w kuzłapołnym swětle „Dźěći města“ w Kulowje
19:30 Jewišćowy bal SLA a NSLDź w Budyskim hłownym dźiwadle
Sobotu 21.10. 9:00 2. fachowy dźeń 2plus w Chrósćicach
11:00 Zmijowy swjedźeń a swinjorězanje w Čornochołmčanskim Krabatowym młynje
13:00 Dźěłarnička wo postajowanju hribow w Stróžanskim Domje tysac hatow
19:00 Koncert musica nova sorabica „ŽADANJE MAM PO TEBI“ w Budyskej Michałskej cyrkwi
19:00 Cyrkwinska dujerska hudźba zaklinči w Njeswačanskej cyrkwi
19:30 Jewišćowy bal SLA a NSLDź w Budyskim hłownym dźiwadle
Njedźelu 22.10. Testowy dźeń Kawasaki na motocrossowej čarje w Jaworje
10:00 Kwasne wiki na žurli Kamjenskeho hotela „Město Drježdźany“
15:00 Kermuša na Rownjanskim Njepilic statoku
15:00 Nazymski koncert ze Smjerdźečanskej rejwanskej skupinu w Turjeju
Rozhłós (20.10.17)
njedźelu hornjoserbsce
11:00 Łužica tutón tydźeń, mjez druhim wo fachowym dnju 2plus
11:20 Myto Ćišinskeho přepodate
11:45 20 lět Witaj-skupina
12:00 Nabožne wusyłanje
(Hans Friedrich Fischer)
po tym zbožopřeća
delnjoserbsce
12:30 Aktualny magacin, mjez druhim wo Wětošowskim horće móžnosćow a wó wólbach předparlamenta Serbskeho sejma
13:00 Žně w serbskej hudźbje
13:30 Nabožne wusyłanje
(Bernd Pitkunings)
po tym zbožopřeća
Do kina (19.10.17)
19.10.2017 – 25.10.2017 Budyski filmowy palast: Captain Underpants: wšědnje 15:00 (nimo pó a srj) Captain Undepants w 3 D: nj 13:00 ES: wšědnje 17:00 (nimo srj) a 19:45 (nimo srj) | srj 16:00, 19:30 a 21:45 | pj a so 21:45 Cars 3 – Evolution: wšědnje 14:45 (nimo pó a srj) | nj 12:45 My Little Pony: wšědnje 17:00 (nimo so a pó) Vorwärts immer!: wšědnje 19:45 Blade Runner 2049 w 3 D: wšědnje 19:30 (nimo srj) | pj a so 22:30 Bigfoot Junior: so 17:00 Lego Ninjago: wšědnje 17:15 (nimo so) Rock My Herat – Mein wildes Herz: wšědnje 15:00 (nimo pó a srj) Cars 3 – Evolution w 3 D: wšědnje 17:15 Lego Ninjago w 3 D: wšědnje (nimo pó a srj) Kingsman – The Golden Circle: štw a nj 19:30 | pj a so 21:45 High Society: pj a srj 19:30 Annabelle 2: pj, so a srj 22:30 Bullyparade: so a wu 19:30 | srj 21:45 Ich – Einfach unverbesserlich: nj 13:00 Ostwind 3 – Aufbruch nach Ora: so 17:15 Emoji: nj 13:00 Fack ju Göhte 1-3: srj 19:00
Kino-ekstra: Die göttliche Ordnung: srj 17:15 a 20:15
Gmejnscy radźićeljo so zetkaja
Róžant/Chrósćicy/Njebjelčicy. We wobłuku gmejnow zarjadniskeho zwjazka Při Klóšterskej wodźe wotměja so jutře, štwórtk, tři posedźenja gmejnskich parlamentow. Tak zetkaja so čłonojo gmejnskeje rady Ralbicy-Róžant we 18.30 hodź. w Róžeńčanskej sydarni. Na jich dnjowym porjedźe mjez druhim steji, zo chce wjesnjanosta wopodstatnić nuzowy rozsud nastupajo Ralbičansku kormjernju swini. Dale chcedźa radźićeljo wjesnjanostu społnomócnić, zo smě přepodać nadawk za instalaciju elektroniskeho zwonjenja při Konječanskej kapałce.
W 19.30 hodź. zetkaja so jutře čłonojo Chróšćanskeje gmejnskeje rady, a to w sydarni „Łužica“. Tam chcedźa na přikład diskutować wo přetwarje a znowawužiwanju Chróšćanskeje stareje šule na gmejnski a kulturny centrum. Nimo toho wobjednawaja wustawki wo čisłowanju domow. Zjawnemu dźělej přizamknje so njezjawny.
