Na nowolětnym přijeću města Choćebuza je so srjedu wječor něhdźe 1 300 hosći z politiki, hospodarstwa, kultury a wědomosće w Choćebuskej měšćanskej hali wobdźěliło. „Jako město wobhladujemy so jako dźěl hoberskeje syće, w kotrejž smy digitalnje – čłowjek z čłowjekom – zwjazani“, rěkaše w přeprošenju města. Prěni króć přewjedźechu tombolu, a kóždy móžeše sam rozsudźić, kelko přinošuje. Wunošk chcedźa za nadawki młodźinskeho a swójbneho spěchowanja nałožić. Wo kulturne wobrubjenje postara so mjez druhim Alexander Knappe (naprawo) z dźěćacym a młodźinskim dźiwadłom Piccolo (hlej wobraz). Foto: Michael Helbig