Z wudaća: wutora, 12 februara 2019

Smjertnje znjezbožił

Dobrošicy. Tragiski wukónc měješe wčera dopołdnja jězba 58lětneho muža, kiž bě ze swojim wosobowym awtom typa Kia na wokrjesnej dróze z Dobrošic do směra na Łomsk po puću. Krótko za Lišej Horu zajědźe wón ze swojim Picantom w lochkej lěwej křiwicy z jězdnje a prasny frontalnje do štoma. Zražka bě tak mócna, zo šofer hišće na městnje njezboža wudycha. Nuzowy lěkar, kiž bě z helikopterom přilećał, móžeše jenož hišće smjerć muža zwěsćić. Wobchadna nje­zbožowa słužba nětko přepytuje, kak je k njezbožu dóšło. Wosobowe awto so dospołnje skóncowa.

Pozicije strony AfD njewotpowěduja katolskej socialnej wučbje. To rozłoži jezuitski pater dr. Michael Hainz z Lipska minjenu sobotu w Chróšćanskej putniskej hospodźe. Wón přednošowaše tam na temu „Kak steja křesćenjo k AfD“. Wjace hač třiceći zajimcow­ bě přišło, zo bychu wuwjedźenja rjadnika sćěhowali a so z nim wo temje rozmołwjeli. Přednošowar poruči, zo měli křesćenjo přeco na konkretnu situaciju přiwisnikow prawicarsko-populistiskich stron, do kotrychž wón AfD zastopnjuje, hladać a z ludźimi respektnje wobchadźeć. Foto: Rafael Ledźbor

Pančicy-Kukow. Přichodne zarjadowanje Domowinskeje skupiny Pančicy-Kukow budźe jutře, 13. februara, w 19 hodź. w awli Šule Ćišinskeho. Čłonojo a wšitcy dalši zajimcy su přeprošeni na filmowy wječor z dr. Tonijom Brukom. Wón pokaza mjez druhim wurězki z filmow wo wupućowanju Serbow w 19. lětstotku do Texasa, Awstralskeje a Kanady.

Serbske blido w stolicy

Drježdźany. Na wólnu bjesadu w maćernej rěči přeprošuje 3. serbske blido zajimcow, bydlacych w sakskej stolicy. Ta so wotměje štwórtk, 14. februara, wot 19 hodź., w hospodźe „Altes Wettbüro“ na Antonowej 8 (blisko dwórnišća Drježdźany–nowe město). Wšitcy zajimcy z Drježdźan a wokoliny su na rozmołwu wutrobnje witani.

Wo wěrje starych Słowjanow

Aktualna tabulka

1. Volleys Koblicy 12 36 : 5 36

2. CVJM Zhorjelc 11 30 : 15 27

3. Viktoria Worklecy 11 28 : 14 24

4. MSV Budyšin 04 II 12 21 : 25 14

5. Módro-běli Wojerecy II 11 18 : 21 13

6. ST Wulka Dubrawa 12 17 : 27 13

7. TSV Niederoderwitz  11 13 : 27 10

8. TSV Kundraćicy 10 14 : 26 8

9. OSSV Kamjenc 10 10 : 27 5

Po dospołnje njetrjebawšej poražce 2:3 w Niederoderwitzu chcychu so wolejbulisća Viktorije Worklecy wo dobyće prócować. Na domjacym hrajnym dnju witachu woni šestce z Kundraćic a Wulke­je Dubra­wy – přećiwnikaj to, kotrejuž dyrbja­chu porazyć.

Viktoria Worklecy – TSV Kundraćicy 3:1 (25:17, 25:11, 18:25, 25:16)

Přećiwo Kundraćicam podachu so młodźi dźiwi chětro nerwoznje do hry. Tak wostachu hosćo hač do 10:8 w małym zastatku. Skónčnje so domjacy zhrabachu a wotsalichu so dypk po dypku k suwerenemu sadźbowemu 25:17.

Tři razy rěkaše minjenu sobotu we Wojerowskej VBH-arenje z wida Worklečanskeje wolej­buloweje rezerwy 0:2. Hnydom tři z cyłkownje šěsć sadźbow pak je serbska šestka z jenož dwěmaj dypkomaj rozdźěla přěhrała. Wosebje partija přećiwo mustwu z Kupo­je-Noweje Łuki bě ze sadźbowymaj wuslědkomaj 25:23 a 28:26 chětro wuska. Za Viktoriju nastupichu Jan Clausen, Jakub Bobka, Beno Bobka, Ławrjenc Bobka a poradźowar Ludwig Eckert (stejo wotlěwa), Daniel Gall a Syman Žur (klečo wot­lěwa). Foto: Werner Müller

Za kóždolětny halowy koparski turněr su Ralbičanscy stari knježa znowa wjacore přeprošenja rozesłali. Jara zwjeselace bě, zo je wšitke mustwa sćěhowachu, a tak je so šěsć cyłkow wo pućowanski pokal wubědźowało. Nimo zakitowarja pokala ST Marijineje hwězdy běchu to zastupnistwa z Chrósćic, Hórkow a Njebjelčic.

Kopańca

3. liga

Osnabrück – Großaspach 0:2 (0:1)

Kaiserslautern – Halleski FC 0:0 (0:0)

Uerdingen – 1860 Mnichow 1:1 (0:0)

Choćebuz – Würzburger Kickers 1:2 (0:1)

Hansa Rostock – Unterhaching 2:0 (1:0)

Fortuna Köln – Zwickau 1:0 (0:0)

Carl Zeiss Jena – Karlsruheski SC 1:1 (1:1)

Aalen – Meppen 1:2 (1:1)

Braunschweig – Wiesbaden 2:3 (1:2)

1. VfL Osnabrück 23 33 : 18 47

2. Karlsruheski SC 22 38 : 22 43

3. Halleski FC 23 26 : 19 41

4. SV Wehen Wiesbaden 23 45 : 32 39

5. KFC Uerdingen 05 23 29 : 30 38

6. SpVgg Unterhaching 21 42 : 22 35

7. FC Würzburger Kickers 23 35 : 27 33

8. SC Preußen Münster 22 30 : 29 33

9. F.C. Hansa Rostock 23 29 : 34 30

10. 1. FC Kaiserslautern 23 25 : 32 29

11. TSV 1860 Mnichow 23 33 : 27 28

12. Přećeljo sporta Lotte 22 22 : 26 27

13. SC Fortuna Köln 23 22 : 39 26

14. FSV Zwickau 22 25 : 25 25

15. SV Meppen 22 29 : 33 25

16. SG Großaspach 23 18 : 23 24

17. FC Carl Zeiss Jena 23 28 : 38 24

18. FC Energija Choćebuz 22 28 : 36 23

19. Eintr. Braunschweig 23 26 : 42 20

20. VfR Aalen 21 25 : 34 17

Třeći wólnočasny wolejbulowy turněr serije „top-šěsć“ w Kulowje dobychu wučerjo Serbskeho gymnazija Budyšin (SGB) před mustwom z Worklec a prěnim domjacym zastupnistwom.

Roland Stiebitz, předsyda sportoweje jednotki Žołto-módri Kulow, witaše sydom wolejbulowych wólnočasnych mustwow na druhi ptačokwasny turněr w tamnišej sportowni. Kaž hižo loni juska­chu tónraz znowa wučerjo-wolej­bulisća SGB, kotřiž pjeć partijow do­bychu, ale přećiwo prěnjemu mustwu z Kulowa přěhrachu. Tamniši wolejbulisća pak podležachu Worklečanam a hrajachu dwójce njerozsudnje. Tak wuskoči za nich na kóncu třeće městno.