W Serbach hype wo festiwalnej skupinje wudyrił

wutora, 16. julija 2019
artikl hódnoćić
(0 )
Na stacijach bičwolejbuloweje tury Radija Satkula natwarja so boksy, přez kotrež so liv e-wusyłanje přenjese a hudźba wothraje.  Foto: Pětr Dźisławk Na stacijach bičwolejbuloweje tury Radija Satkula natwarja so boksy, přez kotrež so liv e-wusyłanje přenjese a hudźba wothraje. Foto: Pětr Dźisławk

Folklorny festiwal we Łužicy je mjez serbskej młodźinu bytostny zaćišć zawo­stajił. Wosebje ruska skupina Chróšćanskeho nócneho programa młodostnych přeco hišće zahorja.

Chrósćicy (SN/pdź). Nejromonach Fejofan rěka Pětrohródska band, kotraž wustu­pi na ranju festiwalneje njedźele wot něhdźe 1:30 hodź. na Zahrodnikec-Grutkec statoku. Za mnohich młodostnych běše tutón wustup wjeršk lětušeho festiwala. Z cyle nowym hudźbnym stilom drum’n’bass-folka zamó skupina publikum zahorić kaž žana druha nócneho programa „Chróšćan specialita“.

Jako jedna z prěnich bandow scyła kombinuje Nejromonach Fejofan ruske ludowe spěwy z modernej elektroniskej drum‘n‘bass-hudźbu. Słowjansku hudźbu tajkeho razu njeběše młodźina we Łužicy hač dotal hišće słyšała. Publikum běše fascinowany, hudźby a prezentacije hudźbnikow dla.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND