Bilanca Němsko-Serbskeho ludoweho dźiwadła za lěto 2021

Budyšin (SN/CoR). Bilanca za lěto 2021 Němsko-Serbskeho ludoweho dźiwadła Budyšin wobmjezuje so na pjeć měsacow, w kotrychž su w domomaj, w dźiwadłowej zahrodce a na Hrodźe hrać móhli. Wot januara do meje njemóžachu so koronapandemije dla žane předstajenja wotměć a wot 22. nowembra je NSLDź zaso zawrjene.

„Najebać komplikowaneho lěta smy hordźi na wjace hač 43 000 přihladowarkow a přihladowarjow, kotřiž su dohromady 295 předstajenjow w krótkej, nam k dispoziciji stejacej hrajnej fazy wopytali“, rjekny intendant Lutz Hillmann. „Po­trjeba za dźiwadło a wulki zajim dawatej nam nadźiju. Ručež so połoženje změruje, chcemy zaso kóždu móžnosć wužiwać, za naš publikum hrać.“