Wuměłski projekt njewotwisnych hudźbnicow a hudźbnikow zahajeny

Berlin (SN/bn). „Walizisko-serbske přećelstwo“ rěka projekt za „mjezynarodnu hudźbnu wuměnu, kotraž ma němčinu, jendźelšćinu, walizišćinu a serbšćinje na jewišću prezentować“. Załožba za serbski lud bě jemu we wobłuku lońšeho idejoweho wubědźowanja „Rěč wjaza – Rěc zwězujo – Sorbisch verbindet“ spěchowanje we wysokosći 5 000 eurow přizwoliła. Takrjec jako zazběh staj iniciatoraj projekta, spěwytwórcaj a hudźbnikaj Paul „Geigerzähler“ Nagel a Efa Supertramp, tři koncerty wuhotowałoj, z kotrymiž prěnje wuslědki zhromadneho skutkowanja zeleny štwórtk a ćichi pjatk w Londonje kaž tež minjeny pjatk w Berlinskim scenowym lokalu a klubje „Fisch­laden“ předstajištaj. Kooperaciski partner zarjadowanja w němskej stolicy bě Choćebuski Kolektiw Wakuum.