Wuspěšna prapremjera multimedialneho projekta w stolicy Sakskeje

Drježdźany (SN/bn). „Što woznamjenja hesło ‚domizna‘? Je to snano wěste městno, wěste začuće abo wěsta wóń? Za mnje je ‚domizna‘ stajnje tež hudźba, a sym měnjenja, zo móže tež zhromadne dožiwjenje hudźby ‚domiznu‘ wutworić – za ju hrajacych runje tak kaž za jej připosłuchacych.“ Tele zawodne słowa sposrědkowa komponist a iniciator projekta Felix Räuber do prapremjery „Sinfonije kulturow“ wčera na po třoch štwórćinach wobsadźenej koncertnej žurli Drježdźanskeho Kulturneho palasta.