Na Drježdźanskej Techniskej uniwersiće chcedźa studentow zahorić

Budyšin/Drježdźany (SN/MiR). Wot zymskeho semestra 2024/2025 móža so zajimcy na Drježdźanskej Techniskej uniwersiće hłubšo a bjez přetorhnjenja z wobsahami sorabistiki zaběrać. Poskitk měri so na studentow a studentki bachelora předmjetow slawistika, germanistika a stawizny a studija wučerstwa. Tež zajimcy digitalnych duchownych wědomosćow w masterowym studiju su narěčani, so temje bližić. To zdźělitej wobłuk duchownych a socialnych wědomosćow uniwersity a Budyski Serbski institut (SI).