Schrift vergrößern
Nic jenož 71 hrajerjow – mjez nimi 63 lajkow z wokoliny Čorneho Chołmca –, ale tež něhdźe 50 čestnohamtskich pomocnikow kołowokoło předstajenja postara so w tutych dnjach wo jónkrótne wječorne dožiwjenje publikuma na dworje Krabatoweho młyna. Kartki su stajnje hač na poslednje městno wupředate. Foto: Robert Jentzsch
Lětsa hižo pjaty raz je rodźeny Wojerowčan a w Drježdźanach bydlacy a skutkowacy Michael Kuhn za lěćne předstajenje pod hołym njebjom na Krabatowym młynje w Čornym Chołmcu scenarij za Krabatowy kruch spisał a inscenował. Po wčerawšim předstajenju je so Milan Pawlik z nim rozmołwjał.
Knježe Kuhno, powěsć wo dobrym kuzłarju Krabata je so literarisce na jara wšelakore wašnje interpretowała. Kak sće so Wy wuměłsce z njej rozestajał?
46lětny wuměłski nawoda Krabat-Sagi Michael Kuhn je w běhu swojeho skutkowanja w Krabatowym młynje tójšto nazhonjenjow nazběrał a so wusko z domoródnymi spřećelił.
