Zhotowja pyšnu keramiku

Wojerecy. Župa „Handrij Zejler“ je z organizatorom „Dźełarnički KERAMIKA“ póndźelu, 16. januara, we Wojerowskim domje Domowiny. W 13.30 hodź. kaž tež w 15.30 hodź. zhotowja na přikład „dekoraciju za swjedźeń Třoch kralow, ptači kwas abo tež za nowolětka na přitulnym zeńdźenju ze serbskim flairom“. Pyšne motiwy čerpaja při tym „z bohateho pokłada serbskeje rěče a kultury“, štož ma „wobohaćenju kreatiwneje žiłki“ polěkować. Wobdźělenje płaći 15 eurow. Zajimcy njech přizjewja so hač do soboty, 14. januara, z mailku na .

Dźeń kubłanja we hwězdarni

Budyšin. We wobłuku Mjezynarodneho dnja kubłanja jutře, sobotu, je Budyska hwězdarnja wot 15 do 19 hodź. přistupna. Zajimcy móža z pomocu wustajeńcy „dźiwy přirody kaž tež wědomostne fenomeny dodnić“ a sej w planetariju firmament rozjasnić dać. Njeje-li njebjo pomróčene, hodźi so po chowanju słónca „galaktiske susodstwo“ mlóčneje drohi z teleskopomaj institucije wobkedźbować.

Wernisaža a koncert