Křidoćišć, lyrika, hudźba a wjace

Budyšin. „Colored gigs“ rěka nowy, předewšěm na křidoćišć wusměrjeny format Budyskeho Kamjentneho domu, kotryž zwjazuje plakatowu wustajeńcu, dźěłarnički, čitanje, podijowe rozmołwy, performance a hudźbu. Hač do njedźele prezentuja so mjez druhim wuměłcy Phillip Janta, Lars P. Krause a Thomas Zettel; lyrikar Matthias Hufnagel kaž tež Drježdźanskej, surf a psychedelic pěstowacej skupinje Whowhooz a Umfyr. Wernisažu dźensa, pjatk, w 19 hodź. wobrubi DJ Dicktator. Zastup je cyły kónc tydźenja darmotny.

Jazz, soul, swing a pop

Smochćicy. We wobłuku rjadu „Smochčanske jewišćo“ zahudźi jutře, sobotu, jazzowe duwo Fokus w kubłanišću swj. Bena. Koncert ze spěwarku Aninu Batz, z pianistom Janom Brězanom a hóstnym gitaristom Phillipom Adamom wopřijima nimo swójskich titulow na mjezy jazza, popa, swinga a soula tež wobdźěłanja spěwow mjez druhim Beatlesow a Michaela Jacksona. Zarjadowanje započnje so w 19.30 hodź. zastup płaći 10 resp. potuńšeny 8 eurow.

Start sezony pod hołym njebjom