Swjeća jubilej škleńčerstwa

Běła Woda. Wot dźensnišeho pjatka do njedźele swjeća w Běłej Wodźe 150lětnu tradiciju tamnišeho škleńčerstwa. Pod hesłom „Glasfestival“ zahudźa mjez druhim dźensa wječor Big Benno Band a jutře Banda Comunale, Monsieur a Nora předstajitaj warjetejowy program a wuměłc Marcus Henschel prezentuje swoju instalaciju „Alte Zeiten – Neue Seiten“. Nimo toho wopřijima festiwal cyło­dnjowsce „Wiki rjanych wěcow“, dźěłarnički tradicionalneho rjemjesła a njedźelu dopołdnja snědań „Semmel & Sound“. Zarjadowanje wotměje so w sociokulturnym centrumje Telux a kołowokoło njeho, zastup je darmotny.

Wo hrjebanju na hrodźišću

Kamjenc. Po digitalnym puću – hlej www.museum-westlausitz.de – hodźi so krótkodobnje hišće wobdźělenje na archeologiskej ekskursiji zajutřišim, njedźelu, w 10 hodź. na Kopšinjanske hrodźišćo knihować. Fachowca na městnje budźe nawodnica wuprawu organizowaceho Kamjenskeho muzeja zapadneje Łužicy dr. Friederike Koch-Heinrichs. Popłatk wučinja 6,50 eurow.

Z połnej paru jězdźace modele