Spěwaja za pišćele

Baćoń. Chór Lipa z Pančic-Kukowa wuhotuje dźensa, pjatk, w 20.30 hodź. w Baćonju beneficny koncert pod lipami na zahrodźe při cyrkwi. Wunošk wužiwaja za ponowjenje tamnišich pišćelow. Dešćuje-li so wotměje so koncert w cyrkwi.

Po wutrobje so wuchodźować

Wojerecy. Jubilejej stej Wojerowskemu jězorowemu klinikumej z přičinu wuhotować jutře, sobotu, wot 10 do 16 hodź. dźeń wotewrjenych duri. Před 125 lětami bu prěnja chorownja we Wojerecach załožena, před 55 lětami bu klinikum tam zaměstnjeny, hdźež do dźensnišeho wobsteji. Mjez druhim změja wopytowarjo móžnosć, „po naddimensionalnej wutrobje so wuchodźować, wo najwšelakorišich medicinskich wobłukach so wobhonić a sej chorobne awto a wuchowanski helikopter cyle zbliska wobhladać“.

Gymnazialna architektura