Serbska reja z jubilejom

Dešno. Skupina Serbska reja woswjeći jutře, sobotu, 10. róčnicu załoženja. Narodninski swjedźeń wotměje so wot 19 hodź. w Dešnjanskim hosćencu „Serbski dwór“. Jubilarka sama zahraje reje, zastup je darmotny. Pjenježne dary pak so njewotpokazuja.

Dary w poslednim wokomiku

Budyšin. Zetkawanišćo TiK w ewangelskej wosadnicy, přistupne přez zelenišćo Při měšćanskim nasypje w Budyšinje, skići jutře, sobotu, wot 14 hodź. składnosć so na „Last-minute-wikach“ za hodownymi darami rozhladować. Poskitk wopřijima mjez druhim hornčerstwo, draby, wuměłstwo a regionalne kulinariske chłóšćenki. Kulturny program wuhotuje rejowanska skupina dźěći a młodostnych Wjacegeneraciskeho domu Strowotneje studnje. Njeswačanska přirodoškitna stacija poskići dźěćom zhromadnje paslić. Zastup je darmotny.

Adwentny a silwesterski koncert