Přećiwo koruptnym lěkarjam

pjatk, 13. meje 2016 spisane wot:

Berlin (dpa/SN). Koruptnym lěkarjam a dalšim zastupnikam hojenskich powołanjow hroža přichodnje tři lěta jastwa, w ćežkich padach samo pjeć lět. To je dźensa Zwjazkowa rada wobzamknyła. Wotstroniła je tak zakonski njedostatk, na kotrymž bě so lěta 2012 hižo Zwjaz­kowe sudnistwo postorčiło: Z dotalnymi rjadowanjemi njemóžachu samostatnych lěkarjow korupcije dla chłostać.

Wočakuje zasakłe konfrontacije

Rom (dpa/SN). Po rozsudźe bamža Franciskusa, pruwować dać, hač njemóhli žony jako diakon skutkować, wočakuje němski kardinal Walter Kasper „zasakłe konfrontacije“ w katolskej cyrkwi. Tole rjekny něhdyši Rottenburgski biskop romskej nowinje La Repubblica. Cyrkej je po jeho słowach w tymle prašenju pačena: Přihłosowarjo maja sobuskutkowanje žonow při wołtarju za legitimne, dokelž bě to w zažnych časach cyrkwje hižo raz z wašnjom. Přećiwnicy maja diakonstwo žonow za prěnju strašnu kročel, jim duchownstwo zmóžnić

Krjeml doping wotpokazał

dale čitać ...

Sta muži wobdźělichu so wčera w kanadiskim Toronće na mjeztym 7. ...

pjatk, 13. meje 2016 spisane wot:
Sta muži wobdźělichu so wčera w kanadiskim Toronće na mjeztym 7. zarjadowanju „Walk A Mile In Her Shoes – Běž milu w jeje črijach“. Z akciju chcedźa sprostnjene nastajenje­ k róli mužow a žonow přewinyć a mjez mužemi wjace zrozumjenja za wšědne­ problemy žonow budźić. Hižo pospyt, so žonjace črije wobuć, bě za někotrehožkuli wobdźělnika problematiske. Foto: dpa/picture alliance

dale čitać ...

Stawki po dojednanju wotprajene

pjatk, 13. meje 2016 spisane wot:
Drježdźany (dpa/SN). Po dojednanju w tarifowym rozestajenju w němskej metalowej a elektroindustriji su wšitke dźensa planowane warnowanske stawki w Sakskej wotprajene. Tole zdźěli rěčnik dźěłarnistwa IG metal Bernd Kruppa rano­ w Kölnje. Wón zwurazni zdobom swoje spokojenje hladajo na nowe tarifowe zrěčenje, štož „je signifikantne zwy­šenje mzdow w krótkim času“. Dźěło­dawarjo a dźěłarnistwo běchu so dźensa rano na nowe tarifowe zrěčenje dojednali, kotrež­ chcedźa tež w Sakskej přewzać. Tak maja přistajeni 4,8 procentow wjace mzdy dóstać. Planowane běchu warnowanske stawki mjez druhim w Lipsku, Gele­nauwje a Załomju.

dale čitać ...

Tři arabske kraje jako „wěste“ zastopnjowane

pjatk, 13. meje 2016 spisane wot:
Berlin (dpa/SN). Zwjazkowy sejm je dźensa wobzamknył, Tunezisku, Algerisku a Marokko jako wěste kraje zastopnjować. Štóž z tychle krajow pochadźa, nima hižo prawo na azyl w Němskej. Opozicija noworjadowanje wotpokazuje. „To je čorny pjatk za zakładne prawo na azyl“, rjekny zapósłanc Lěwicy Andrej Hunko w debaće. Nutřkowny minister Thomas de Maizière (CDU) pak praji: „Štóž chce pomhać, dyrbi tež ‚ně‘ rjec móc.“ Loni bě 26 000 nowych ćěkancow z mjenowanych statow do Němskeje přišło. Jeničce 0,7 procentam z nich su azyl přizwolili. Opozicija w swojej kritice na to skedźbni, zo w tychle krajach homoseksualnych přesćěhaja a chłostaja.

dale čitać ...

Šiman: Signal bórze zeleny

pjatk, 13. meje 2016 spisane wot:
Budyšin (SN/MkWj). Přihoty wažneho twarskeho projekta, nowotwara železniskeho mosta nad Budyskej Zeppelinowej, so nachileja. Wo tym je serbski zapósłanc CDU w Sakskim krajnym sejmje Marko Šiman nowinarjow dźensa informował. Planowanske podłožki bě Němska že­leznica jako hłowna zamołwita minjeny čas Zwjazkowemu železniskemu zarjadej k pruwowanju přepodała. Wottam ma Marko Šiman­ po swójskich wuprajenjach informacije, zo je „signal bórze zeleny“. Ručež změja twarsku dowolnosć přizwolenu, chcedźa podłožki dwaj tydźenjej zjawnje wupołožić, štož drje so hišće w prěnim połlěće stanje, Šiman rjekny. Nazymu potom móhli twarić započeć. Po słowach Šimana je to dotal sobu najwažniši infrastrukturny twarski projekt. Dźěła maja so tak zrjadować, zo budźe poćežowanje za firmy a wobydlerjow w tutej kónčinje znjesliwe.

dale čitać ...

To a tamne (13.05.16)

pjatk, 13. meje 2016 spisane wot:

Mysteriozneho paducha całtow je policija w Sewjerorynsko-Westfalskej wuslědźiła, byrnjež jeho njedosahnyła. Jedna so wo rapaka, štož fota dokumentuja. Muž z Aachena bě so na policiju wobroćił, dokelž běchu so dny dołho całty při durjach zhubjeli. Ta da so do dźěła a nastaji kamery. Wobrazy pokazuja, kak je čorny ptak wušiknje titu wočinił a jednu całtu po druhej spakosćił. Z kóždej całtu je ekstra do swojeho schowa lećał. Jeho přesćěhać bě bjez zmysła.

Bombowy alarm zawiniła je dźěćaca kniha w Berlinskim Domje němskeho hospodarstwa. Twarjenje, w kotrymž maja wodźace gremije hospodarstwa swoje běrowy, dyrbjachu wčera kompletnje ewakuować, zo bychu fachowcy podhladny pakćik přepytowali. W nim bě dźěćaca kniha z bateriju a wótřerěčakom, kotraž čłowječe a zwěrjace hłosy napodobnja.

dale čitać ...

Nowa raketowa stacija

štwórtk, 12. meje 2016 spisane wot:

Deveselu (dpa/SN). Najebać protesty Ruskeje NATO syć raketywotwobaranskich stacijow dale wutwarja. Dźensa su w rumunskim Deveselu w přitomnosći ge­neralneho sekretara NATO Jensa Stol­tenberga nowu staciju přepodali. Dalšu chcedźa jutře na sewjeru Pólskeje twarić započeć. Ruska wojerskemu zwjazkej wumjetuje, zo ze stacijemi strategisku a nuklearnu runowahu w regionje myli. Stoltenberg pak dźensa hišće raz potwjerdźi, zo njeměrja so rakety přećiwo Ruskej

Müller: Přilubjenja dodźeržeć

Berlin (dpa/SN). Zwjazkowy minister za wuwiće­ Gerd Müller (CDU) mjezynarodne zjednoćenstwo statow namołwja, přilubjene pomocne srědki za wopory wobydlerskeje wójny w Syriskej spěšnje wupłaćić­. Najpozdźišo na wjeršku UNO k humanitarnej pomocy 24. meje w Turkowskej měli pjenjezy „na blidźe być“, rjekny Müller dźensa w zwjazkowym sejmje. Na Londonskim zetkanju w fe­bruaru běchu kraje wjace hač dźewjeć miliardow eurow pomocy přilubili.

Prezidentka wotsadźena

dale čitać ...

Sta ludźi su so dźensa z bayerskeho Regensburga na najdlěše pěši ...

štwórtk, 12. meje 2016 spisane wot:
Sta ludźi su so dźensa z bayerskeho Regensburga na najdlěše pěši putniko­wanje Němskeje do 111 kilometrow zdaleneho Altöttinga nastajili. Hač do soboty chcedźa čaru zmištrować. Kilometry dołhemu putniskemu ćahej so stajnje zaso dalši ludźo­ přizamkuja. W Altöttingu liča z něhdźe 9 000 putnikami. Jeničce zaćah do tamnišeje­ katedrale traje cyłu hodźinu. Foto: dpa/Armin Weigel

dale čitać ...

Rubjene wobrazy prezentowali

štwórtk, 12. meje 2016 spisane wot:
Kijew (dpa/K/SN). Ukraina je zjawnosći prezentowała 17 drohotnych wobrazow swětosławnych wuměłcow renesansy a baroka, kotrež buchu před poł lětom w italskej Veronje rubjene. Ukrainske instancy běchu twórby mištrow kaž Tin­toretta a Rubensa zawěsćili, po tym zo buchu we „wuslědku brilantneje specialneje operacije namakane“, rjekny prezident Petro Porošenko. Zo su je pytarjo našli, je přikład, zo wojuje jeho kraj pře­ćiwo pašowanju a korupciji. Zakukleni wobrónjeni mužojo běchu so loni w nowembru do muzeja Castelvecchio za­dobyli a žadne twórby sobu wzali. Lětsa w měrcu su wěstotne mocy w Italskej a Moldawskej 13 podhladnych zajeli.

dale čitać ...

Zhubjeny handy namakany

štwórtk, 12. meje 2016 spisane wot:
Berlin (dpa/K/SN). Při trajacych přepytowanjach w naležnosći teroristiskeje trójki NSU je so njenadźicy dalši mobilny telefon 2014 zemrěteho V-muža Corellija „wukulił“. Wo tym je zwjazkowy zarjad za wustawoškit (BfV) informował naležnosć přepytowacy wuběrk zwjazkoweho sejma. Toho předsyda Clemens Binninger ma wašnje, na kotrež bu handy namakany, za „kritikihódne“. Telefon bě lěta zhubjeny, loni w lěću pak ležeše w trezorje BfV, pječa hižo štyri lěta. Zo je Corellijej słušał, so hakle nětko wukopa. Kotre daty su na nim­ składowane, zwjazkowy kriminalny zarjad tuchwilu zwěsća. Corelli je klučowa figura nastupajo móžnu zaplećenosć wustawoškita do aktiwitow NSU.

dale čitać ...
strona 550 wot 561
e-paper-wudaće:14.03.2025

Nowy župan w Delnjej Łužicy

dźěłowe městna w LND

aktualne wupisanja

nowostki LND