Merkel a Gabriel za jedyn postronk – Seehofer přemysluje
Berlin (dpa/K/SN). Za jutřiše krizowe zetkanje stronskich šefow CDU, CSU a SPD předleži namjet kompromisa nastupajo azylowy paket II, kotrehož dla zwada hižo tydźenje traje. W jeho naćisku staj sej předsydka CDU Angela Merkel a předsyda SPD Sigmar Gabriel přezjednaj, zo měł so přićah swójbnych ćěkancow bóle wobmjezować, hač je to dotal předwidźane było. Přiwótřene rjadowanje móhło so rozšěrić na něhdźe pjećinu wšěch syriskich požadarjow azyla, kotřiž su hač donětka do Němskeje přišli. Předsyda CSU Horst Seehofer chce sej hač do jutřišeho přemyslić, hač je tohorunja za kompromis.
