Tesla chce SolarCity přewzać

srjeda, 22. junija 2016
artikl hódnoćić
(0 )

Palo Alto (dpa/SN). Zhotowjer elektroawtow Tesla je za přewzaće předewzaća SolarCity poskitk we wobjimje 2,5 miliardow eurow předpołožił. Tesla chce sumu w formje akcijow zapłaćić. Z přewzaćom móhli připrawy SolarCity přeńć do energijoweje sparty firmy Tesla, kotraž chce so nimo awtoweje industrije tež na energijowe wiki koncentrować.

Cameron chcył premier wostać

London (dpa/SN). 24 hodźin do Brexit-referenduma je britiski premierminister David Cameron chětro njewěsty, kak wothłosowanje wuńdźe. „Nichtó njewě, što so stanje“, rjekny Cameron nowinje Financial Times. Zdobom wón potwjerdźi, zo chcył na kóždy pad zastojnstwo premiera dale wukonjeć. W žanym padźe tež njewob­žaruje, zo bě k referendumej namołwjał. Po naprašowanjach je wuslědk jutřišeho wothłosowanja 45 milionow wólbokmanych wotewrjeny. Wšitko pokazuje na dwubój mjez přećiwnikami a tymi, kotřiž chcyli dale w EU wostać.

Hłowna zhromadźizna

wozjewjene w: Kraj a swět
Prošu přizjewće so, chceće-li komentar podać

Chróšćan Šulerjo

nowostki LND