Britojo so z wjetšinu za wustup ze zhromadźenstwa EU wuprajili

London/Berlin (dpa/K/SN). Štož bě so za hotowe złonjedobro wudawało, je so stało: Britojo su so z 51,9 procentami za to­ wuprajili, zo Wulka Britaniska z Europskeje unije wustupi – po štyrceći lětach. 17,4 miliony wolerjow je za tak mjenowany „brexit“ hłosowało; 16,1 milion (48,1 procent) chcyše w zhromadźenstwje statow wostać. Wólbne wobdźělenje wučinješe 72,2 procentaj. W Jendźelskej a Waliziskej wupraji so wjace hač 70 procentow za wustup, w Šotiskej a Sewjernej Irskej wjace hač 70 procentow za zwostaće­ w EU. We woběmaj zběhaja so hižo hłosy za wotšćěpjenje wot Wulkeje Britaniskeje a za zwostaće w EU.