Washington (dpa/SN). Prezident USA Donald Trump chce atomowy program Sewjerneje Koreje w nuzy sam skónčić. Tole je Trump nowinje Financial Times připowědźił. USA drje so dale sobudźěła Chiny nadźijeja. Dyrbjał-li pak so Peking tomu spjećować, chcyli USA „problem same rozrisać“. Přiwšěm Trump njepřeradźi, kak chcyli USA konkretnje postupować. Trump rjekny tole něšto dnjow do swojeho prěnjeho zetkanja z chinskim statnym šefom Xi Jinpingom.

Na dobro kolesowarjow

Düsseldorf (dpa/SN). Zwjazkowe knježerstwo chce dalše kolesowarske spěšnozwiski za ludźi twarić, kotřiž z kolesom na dźěło jězdźa. Za to chce hišće lětsa­ přidatnje 25 milionow eurow na­łožić, rjekny statny sekretar we wobchadnym ministerstwje Norbert Bartle nowinje Rheinische Post. Spěšnozwiski su „małe awtodróhi bjez amplow a křižowanišćow“. Dźensa je so w Mannheimje 5. narodny kolesowarski kongres zahajił. Tam wuradźuja fachowcy wo nowych wobchadnych konceptach na dobro ko­lesowarjow.

Wumjetuje uniji njeserioznosć