Zastupnicy Serbow na nastupnym wopyće w Drježdźanach
Drježdźany (SN/JaW). Sakski ministerski prezident Michael Kretschmer (CDU) politiku swojeho předchadnika nastupajo Serbow dale powjedźe a chce ju polěpšić. Tole přilubi Kretschmer wčera na nastupnym wopyće předsydy Domowiny Dawida Statnika w Drježdźanskej statnej kencliji. Na rozmołwje z ministerskim prezidentom přitomni běchu nimo Statnika tež předsydka Rady za serbske naležnosće Sakskeje Marja Michałkowa, direktor Załožby za serbski lud Jan Budar a jednaćel Domowiny Marko Kowar.
