Drježdźany (dpa/SN). Sakski ministerski prezident Michael Kretschmer (CDU) je wčera zhromadnje z dalšimi politikarjemi wopory ludoweho zběžka 17. junija 1953 w NDR wopominał. „Dopominamy so na pućrubarjow swobody. Je dźensa naš zhromadny nadawk, zdobytu de­mokratiju a swobodu stajnje znowa za­kitować“, rěka we wčerawšim stejišću Kretsch­mera, kiž je tuchwilu w Romje. Zběžk bu namócnje poraženy a žadaše sej 55 smjertnych woporow.

Ukrainske jednotki pod ćišćom

Kijew (dpa/SN). Ukrainske wojerske jednotki na wuchodźe kraja bědźa so dale ze sylnym ćišćom ruskich jednotkow, kotrež jich z artileriju a raketami wobtřěleja. W swojej rozprawje mjenuje rozkaznistwo armeje měsće Sjewjerodonjeck a Lysyčansk a wokolinu. Na dwěmaj městnomaj je so poradźiło, ruske jednotki zadźeržeć. Ze zdobyćom Sjewjerodonjecka a Lysyčanska by Ruska wšu ukrainsku kónčinu wokoło Luhanska pod kontrolu měła. To je jeje hłowny wójnski zaměr.

Zjězd AfD w Riesy zahajeny