Berlin (dpa/SN). Žadanje CDU a CSU, Ukrainje krótkodobnje 200 transportnych pancerowanych jězdźidłow typa Fuchs přewostajić, njeje so w zwjazkowym sejmje přesadźić móhło. Parlament hłosowaše minjenu nóc přećiwo wotpowědnemu naćiskej frakcije unije. Zakitowanska ministerka Christine Lambrecht (SPD) bě so hižo do wothłosowanja přećiwo „wurubjenju“ zwjazkoweje wobory wuprajiła, pokazujo na nuznje trěbnu kmanosć Němskeje, so zakitować.

Přepytuja cofnjenje wobory

Berlin (dpa/SN). Cofnjenje zwjazkoweje wobory z Afghanistana a naslědne naprawy ewakuowanja ma parlamentariski přepytowanski wuběrk předźěłać. Zwjazkowy sejm je minjenu nóc wobzamknył, z dwanaće wosobow wobstejacy gremij zasadźić. Z wuhódnoćenjom dokumentow a woprašowanjom swědkow chcedźa zwěsćić, kotre zmylki buchu činjene a kotre konsekwency z toho wurostu. Zwjazkowa wobora bě Afghanistan 2021 wopušćiła, po tym zo běchu talibanojo móc přewzali.

Zaso wujězd blokowali