Bayreuth (dpa/SN). Zwjazkowy minister za hospodarstwo Robert Habeck (Zeleni) ma hladajo na raznje přiběrace płaćizny energije rozmołwy wo dalšich wolóženjach na dobro ludźi za trěbne. Na zarjadowanju w Bayreutće wón rjekny, zo w knježerstwje tuchwilu wjacore naprawy diskutuja. Přetrjebarjo płuna dyrbja nazymu z jasnje zwyšenymi płaćiznami ličić, dokelž dyrbja potom přidatny popłatk zapłaćić, z kotrymž chce knježerstwo wulkowikowarjam płuna pomhać.

Wočakuje straty suchoty dla

Berlin (dpa/SN). Prezident zwjazka ratarjow Joachim Rukwied wočakuje dale trajaceje suchoty dla na mnohich městnach Němskeje žnjowe straty. „Wočakujemy podpřerězne žně w Němskej, hišće mjenje hač loni“, rjekny Rukwied dźensa w rańšim magacinje sćelaka ZDF. Wón nadźija so dešća, zo znajmjeńša nazymske kultury hišće trěbnu wodu dóstanu. „Mamy kónčiny, w kotrychž su žně porjadne, druhdźe mamy hač do 30 procentow mjenje hač we wjelelětnym přerězku.

China warnuje Bidena